Японияда картошка танқислиги юзага келди

Иқтисодиёт 14 Апрель 2017 6687
Фото: Bloomberg

Японияда чипс ва снэклар ишлаб чиқарувчи энг йирик компаниялар Calbee ва Koike-Ya сотувдан 49 турдаги маҳсулотини қайтариб олди. Компанияларнинг бундай қилишига Японияда картошка етиштириладиган бош плантациялар жойлашган Хоккайдо префектурасидаги ҳосилсизлик сабаб бўлди. Натижада дўконларда чипслар танқислиги юзага келди, бори эса эса аукционда асл нархидан деярли 6 маротаба қимматга сотилмоқда. Бу ҳақда Bloomberg ахборот агентлиги хабар бермоқда

Calbee компанияси Япониядаги чипслар бозорининг 75 фоизига эгалик қилади ва картошканинг ҳосилсизлиги туфайли 15 турдаги маҳсулотини етказиб беришдан воз кечди. 2016 йилда Хоккайдо префектурасига бирданига 4 та тўфон ёпирилган. Бундай ҳолат охирги 100 йил ичида бирор марта ҳам кузатилмаганди. Префектурадаги плантациялар картошка ҳосилининг 80 фоизини таъминлайди. 

Calbee чипсининг пицца мазали бир пачкасини аукцион орқали 1250 йенга сотиб олиш мумкин бўлмоқда. Ваҳоланки, аввал худди шу чипс 200 йен турган. Твиттернинг япониялик фойдаланувчилари аввал чипслар билан лиқ тўла бўлган дўкон пештахталарининг бўшаб ётган суратларини чоп этишмоқда ва ушбу ҳолатни "картошка инқирози" деб аташмоқда.

TV Asahi телеканали сўровларига кўра, Calbee чипслари япониялик томошабинларнинг энг севимли егуликлари орасида биринчи ва иккинчи ўринни эгаллаган. Томошабинларнинг фикрича, бу чипслар қандолатчилик маҳсулотлари, гуруч крекерлари ва маккажўхори таёқчаларидан ҳам тотлироқдир.

Calbee ва Koike-ya Inc компаниялари яқин орада ушбу муаммога картошкадан таом ва фрилар сотувчи кафе ва ресторанлар ҳам учрашидан огоҳлантиришди. АҚШдан олиб келинаётган картошка зарур ҳажмларни қоплашга етмаяпти. Картошка танқислиги оқибатида унинг 4 донадан иборат порцияси нархи 90-100 йендан 180-200 йенгача кўтарилиб кетди.

Чипс ишлаб чиқарувчилар муаммони АҚШдан картошка олиб келиш билан ҳал қилишмоқчи. Бироқ Яапонияда олиб кириладиган картошка ҳажмига чеклов мавжуд. Шунингдек, улар Кюсю оролидаги ҳосилга ҳам умид қилишмоқда. Бироқ компаниялар савдолар қачон яна аввалгидек кўринишга қайтишини айтишга тайёр эмаслар. 

Кун янгиликлари
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 71691 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 37281 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 21600 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 81383 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 61962 Жамият
Forbes: Бой бўлишдан уялмаган Малкольм Форбс
01:13 1229 Lifestyle
Зидан ҳеч қандай музокараларсиз «Реал» билан шартномани узайтиради
00:53 857 Спорт
Бразилияда бортида 70 киши бўлган паром чўкиб кетди
00:20 784 Жаҳон
Германиядаги йўл-транспорт ҳодисасида 44 руминиялик жабрланди
00:17 350 Жаҳон
Шаҳзодалар Уильям ва Ҳарри “Юлдузли жанглар” фильмининг янги қисмида суратга тушишди
23:44 / 23.08.2017 672 Маданият
Кўпроқ янгиликлар