Мексика ғарбида туристик автобуснинг бензин ташувчи машина билан тўқнашиб кетиши оқибатида камида 29 киши ҳалок бўлди ва тўққиз инсон жароҳатланди. Бу ҳақда мамлакатнинг Мичоакан штати ёнғин-қутқарув хизмати хабар берди.

Йўл-транспорт ҳодисаси Мичоакан ва Герреро штатлари чегарасидаги трассада рўй берган.

Тергов маълумотларига кўра, икки машина юзма-юз тўқнашиб кетган, шундан сўнг ёнғин юз берган.