Россия президенти Владимир Путин ва Беларусь президенти Александр Лукашенко Қирғизистон пойтахти Бишкек шаҳрига келишди. Давлат раҳбарлари бу ерда жума куни Коллектив хавфсизлик шартномаси ташкилоти аъзо-давлатлари етакчилари учрашуви ва Евроосиё иқтисодий иттифоқи Олий кенгаши йиғилишида иштирок этади.

Кутилишича, Евроосиё иқтисодий иттифоқи Олий кенгаши йиғилишида Иттифоқнинг ҳисобот давридаги фаолияти якунлари сарҳисоб қилинади, шунингдек иттифоққа аъзо-давлатларнинг 2017-2018 йиллардаги макроиқтисодий сиёсати йўналишлари белгилаб олинади.

Коллектив хавфсизлик шартномаси ташкилотига аъзо-давлатлар етакчиларининг норасмий учрашуви эса Беларусь президенти Александр Лукашенко раислигида, Арманистон, Қозоғистон ва Тожикистон президентлари иштирокида, тор доирада бўлиб ўтади.