2017 йил 4 январда ўтказилган Осиё ва Океания кураш конфедерациясининг таъсис конгресси томонидан Осиё ва Океания кураш конфедерациясини ташкил қилиш ва унинг таъсис ҳужжатларини тасдиқлаш тўғрисида қарор қабул қилинганди.

Ушбу ташкилотнинг асосий мақсади Осиё ва Океания минтақасида кураш спорт тури ва унинг қадриятларини тарғиб ва ҳимоя қилишдан иборат.

Осиё ва Океания кураш конфедерациясининг таъсис конгрессида конфедерация Президенти этиб Рўзиев Комил Исмоилович сайланганди.

Осиё ва Океания кураш конфедерацияси Ўзбекистон Республикаси Адлия вазирлиги томонидан 2017 йил 14 апрель куни давлат рўйхатидан ўтказилди. Бу ҳақда Адлия вазирлигида маълум қилинди

Шу муносабат билан, Адлия вазирлиги Жамоат, нодавлат нотижорат ва диний ташкилотлар бошқармасида конфедерация президенти К.И.Рўзиев билан учрашув ўтказилди.

Учрашувда К.И.Рўзиевга нодавлат нотижорат ташкилотининг ҳуқуқ ва мажбуриятлари тушунтирилди ҳамда конфедерациянинг давлат рўйхатидан ўтганлиги тўғрисида гувоҳнома топширилиб, конфедерациянинг келгусидаги фаолиятига муваффақиятлар тиланди.