Малайзияда яратилишида пассив экологик дизайннинг бирданига 5 та технологияси қўлланган том тақдим қилинди. Унда қўлланган қуёш панеллари, ёмғир сувини тўплаш ва тозалаш панеллари, шамол турбиналари уйда яшовчи одамларнинг коммунал эҳтиёжларини тўлиқ таъминлайди. Табиий вентиляция ва ёруғлик нурининг максимал тушиши бу уйга мураккаб коммуникацияларни ўтказиш заруриятидан халос қилади. 

Янги том ноодатий V-симон конструкция эвазига ишлайди. Биринчидан, у максимал миқдорда қуёш энергиясини тўплашга ёрдам беради. Иккинчидан, аъло даражада елвизакни ушлаб, шамол турбиналарини айлантиради. Учинчидан, конструкция барча ёмғирни осон йиғади. Тўртинчидан, том тўлиқ шаффоф бўлиб, куннинг ёруғ қисмида етарлича ёруғлик билан таъминлайди. 

Том яратувчилари барча иқтисодий ҳисоб-китобларни бажариб, том соатига 21 минг киловатт электр энергия ишлаб чиқара олиши ва 500 литрдан кўпроқ сув йиғишини аниқлашди. Бу захиралар бир оиланинг нормал ҳаёт кечириши учун бемалол етади. Қурувчиларга фақатгина уйга канализация ўтказишгина қолади. Фойдали иш коэффициентини ошириш мақсадида том маҳаллий иқлим шароитлари, ёғингарчилик миқдори ва шамол йўналишини ҳисобга олади ҳамда шаҳар қиёфасига идеал тарзда уйғунлашиб кетади.