АҚШнинг Афғонистонга берган ҳаво зарбалари оқибатида ИШИД террорчи гуруҳининг 80дан ортиқ жангариси ҳалок бўлди, деб ёзмоқда The New York Times.

Бу ҳақда Нангархар вилояти вакили Аттулаҳ Хогиёний маълум қилган.

Нашрга кўра, афғон ҳукумати ўнлаб жангарилар ўлдирилганини айтмоқда, бироқ уларнинг аниқ сони номаълумлигича қолаяпти. 

Аввалроқ, АҚШ томонидан энг кучли GBU-43 ноядро бомбасини ташлагани оқибатида 36 жангари ҳалок бўлгани ҳақида хабар қилинган эди. 

ИШИД эса бу зарбадан ўз сафига талофат етмаганини айтмоқда.