Шавкат Мирзиёев: оиланинг маиший техника билан таъминлангани унинг турмуш даражасининг кўзгусидир

Ўзбекистон 15 Апрель 2017 17922

Президентимизга Самарқанд шаҳрининг Даҳбед кўчасидан Пайариқ туманидаги Имом Бухорий мажмуасига олиб борувчи Нурафшон кўчасини ободонлаштириш лойиҳаси ҳақида маълумот берилди. Бу ҳақда ЎзА хабар берди

Нурафшон кўчасида олиб бориладиган бунёдкорлик ишлари натижасида атрофдаги эски ва бугунги кун талабларига жавоб бермайдиган иншоотлар шаҳарсозлик талаблари асосида таъмирланиб, ижтимоий объектлар қурилади. 

Давлатимиз раҳбари шаҳардаги Жомий кўчасидаги Ёшлар марказини реконструкция қилиш, ҳайвонот боғи қуриш лойиҳаларини кўздан кечирар экан, бу борадаги ишларни аҳолининг фикри ва талаблари асосида амалга ошириш, миллий меъморлик ва замонавий архитектура анъаналарини ҳисобга олиш бўйича кўрсатмалар берди. 

Самарқанд шаҳрини ижтимоий-иқтисодий ривожлантириш дастури доирасида 2017-2018 йилларда саноат соҳасида 125 инвестицион лойиҳа амалга оширилади. 

Озиқ-овқат ва енгил саноат, чарм-пойабзал, фармацевтика, мебель ва қоғозни қайта ишлаш, электротехника, қурилиш материаллари ишлаб чиқариш, нефть-кимё ва бошқа соҳаларда кўзда тутилаётган лойиҳалар вилоятни изчил ривожлантиришга, аҳолининг ҳаёт сифатини янада яхшилашга қаратилган. Мазкур лойиҳаларнинг ҳаётга татбиқ этилиши 6 минг 300 дан ортиқ кишининг ишли бўлишига хизмат қилади. 

Вилоятда “Ўзқурилишматериаллари” акциядорлик жамияти томонидан 163 лойиҳа амалга оширилмоқда. 

Нуробод туманида “Навоий металмаш” ва Хитойнинг “Gezhouba Group sement Co.LTD” корхоналари ҳамкорлигида цемент ишлаб чиқариш режалаштирилган. Йилига 2 миллион тонна маҳсулот ишлаб чиқариш қувватига эга ушбу корхонада 530 янги иш ўрни яратилади. 

Пастдарғом туманида қуриладиган “Самарқанд Афросиёб цемент” корхонаси ишга тушгач, 300 киши иш билан таъминланади. Корхонани 2018 йилда ишга тушириш мўлжалланган. 

Шавкат Мирзиёев “Ургут” эркин иқтисодий зонаси ҳудудида маиший техникалар ишлаб чиқариш бўйича лойиҳаларни кўздан кечирди. 

Давлатимиз раҳбарининг 2017 йил 12 январдаги “Ургут”, “Ғиждувон”, “Қўқон” ва “Ҳазорасп” эркин иқтисодий зоналарини ташкил этиш тўғрисида”ги фармонига мувофиқ ҳудудда қатор лойиҳалар ҳаётга татбиқ этилмоқда. 

“Ўзэлтехсаноат” акциядорлик жамияти ва “Ideal Elektro Lyuks” масъулияти чекланган жамияти томонидан Туркиянинг “Odul” компанияси билан ҳамкорликда газ плиталар, электр духовка, кир ювиш машиналари ишлаб чиқариш бўйича амалга оширилаётган лойиҳаларнинг умумий қиймати 7 миллион долларни ташкил этади. Товарларнинг маълум қисми экспорт қилинади. 

“Coven Elektro” масъулияти чекланган жамияти томонидан замонавий чангютгичлар ишлаб чиқарилади. Корхонада йилига 30 минг дона маҳсулот тайёрланади. 

Президентимиз мазкур лойиҳалар билан танишар экан, аҳолининг маиший техникалар билан таъминлангани унинг турмуш даражасининг асосий кўрсаткичларидан бири эканини таъкидлади. Маҳсулотларни дунё бозорига олиб чиқиш, “Ўзбекистонда ишлаб чиқарилган” брендини янада кенгроқ оммалаштириш бўйича зарур кўрсатмалар берди. 

Миллий банк томонидан фармацевтика соҳасида амалга оширилаётган лойиҳалар тақдимоти ҳам ўтказилди. “Optima Sobirjon”, “Perfect Pharma Group” масъулияти чекланган жамиятлари ва “Samarkand England eko medical” қўшма корхонасида 200 дан ортиқ иш ўрни яратиш мўлжалланган. 

Шу ерда вилоятда соғлиқни сақлаш тизимини ривожлантириш, аҳолига маиший хизмат кўрсатиш, спортни янада оммалаштириш борасидаги лойиҳалар тақдимоти ҳам ўтказилди. 

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 30790 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 16927 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 66559 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 57618 Жамият
Электр энергиясининг намунали истеъмолчилари рағбатлантирилади
Трамп АҚШ ҳукуматини ёпиш билан таҳдид қилди
10:50 3204 Жаҳон
Самарқанд вилоятида 6 миллион доллар қийматидаги трансформаторлар ишга туширилди
Трамп: Ким Чен Ин АҚШни ҳурмат қилишни бошлади
10:30 3939 Жаҳон
Шайхонтоҳур туманидаги қасддан одам ўлдириш фош этилди
10:27 3246 Жамият
Фарғонада ўқитувчиларни мажбурий меҳнатга жалб қилган халқ таълими мудираси ишдан олинди
Кўпроқ янгиликлар