Австралиянинг Мельбурн шаҳридаги озиқ-овқат маҳсулотлари дўкони эгаси Лунжи Лин ўғриликлар билан курашиш мақсадида кириш эшигига махсус ёзувли белгини осиб қўйди. Унда 14-18 ёшли қора танли ўсмирлар ва итлар кириши тақиқланиши билдирилган, деб хабар бермоқда маҳаллий The Australian нашри.

«Эълон: 14-18 ёшда бўлган қора танли ўсмирлар ва итларнинг дўконга кириши тақиқланади. Сабаби қора танли ўсмирлар ҳар доим ўғрилик қилади», - дея ёзилган махсус ёзувли белгида.

Тадбиркор бундай эълонни очишга тунги вақтларда содир бўладиган нохуш ҳодисалар туфайли қарор қилган – бундай пайтда фақатгина қора танли ўсмирлар дўконга кириб, ундан ниманидир ўмариш ҳаракатида бўлади.

Линнинг Herald Tun газетасига айтишича, сўнгги ҳолат икки ой давомидаги йигирманчи ўғрилик бўлган. Натижада дўкон эгаси дарғазаб бўлиб, ирқчилик мазмунидаги эълонни илиб қўйди.

Эндиликда тадбиркорнинг умид қилишича, унинг хатти-ҳаракати дўкондаги жиноятчиликнинг ортишига олиб келмаслиги керак. Дўкон жойлашган Виктория штати полицияси эса эълон пайдо бўлганидан хабардорлигини ҳамда «полиция бундай ёзувни жоиз эмас деб ҳисоблаши» ҳақида маълум қилди.

Ижтимоий тармоқ фойдаланувчилари эса дўкондаги ёзувни ирқчиликнинг бир кўриниши, дея аташган. 

The Australian нашрининг таъкидлашича, Виктория штатида ҳақиқатдан ҳам жиноятчилик билан муаммолар бор: сўнгги пайтларда у ердаги жиноятчилик фоизи ўсган.  Австралия криминология институти маълумотларига кўра, мамлакатдаги барча жиноятчиларнинг 30 фоизи 18-24 ёш атрофидаги шахсларни ташкил этади.