Корея республикаси Марказий сайлов комиссияси 15 апрелдан мамлакат президентлииги учун номзодларни расман рўйхатга олишни бошлади. Республика давлат раҳбарини аниқлаб берадиган наввбатдан ташқари президентлик сайловлари 9 май куни бўлиб ўтади, дея ёдга олмоқда YTN телеканали.

17 апрелдан сайловолди кампанияси бошланади. Эслатиб ўтамиз, Корея конституциявий суди 10 март мамлакат президенти Пак Кин Хега нисбатан қўлланилган импичментни маъқуллаган эди. У республика тарихидаги энг йирик коррупция можаросига аралашиб қолгач, 2016 йил 9 декабрида мамлакат парламенти Пак Кин Ҳега импичмент қўллаганди. 

Ёнҳап агентлигига кўра, МСК президентликка икки асосий номзод Демократик партия вакили Мун Жэ Ин ва марказчи кайфиятдаги "Халқ партия"си вакили Ан Чхоль Су ҳамда яна 10 нафар даъвогарни рўйхатга олган. 

10 март куни дастлабки рўйхатга олиш жараёнида 26 нафар номзод рўйхатдан ўтган, кейинчалик 5 нафари ўз ниятидан қайтган эди. Таъкидланишича, номзодлар сони яна қисқариши мумкин, чунки рўйхатдан ўтиш учун 260 минг доллар миқдорида бадал тўлаш талаб этилади. Номзод сайловчиларнинг 15 фоиз овозини тўплай олса, бу маблағлар қайтарилади. 

Ижитмиой сўровларда етакчилик қилаётган Мун Жэ Иннинг баёнот беришича, Жанубий Кореяда "янги тарих бошланмоқда". "Янги Корея — ҳар бир киши учун. Бизлар қалбларимизни бирлаштириб, янги Кореяни барпо этадиган вақт келди", — деган Мун Же Ин. 

Унинг асосий рақиби Ан Чхоль Су эса, сайловчилар "ўтмишга қайтишни ёки келажакни барпо қилишдан бирини танлашлари мумкин"лигини айтган.