Сеулда очилган дунёдаги энг баланд меҳмонхонадан фотожамланма

Lifestyle 16 Апрель 2017 50286

Сеулда яқинда дунёдаги энг баланд меҳмонхона Lotte World Tower очилди. Бу ҳақда Korea JoongAng Daily нашри маълум қилди.  

Ушбу осмонўпар бино дунёдаги энг баланд биноларнинг етакчи бешталигига кирди. Бино, шунингдек, Корея яриморолидаги энг баланд бино ҳисобланади.

Баландлиги 555 метр келадиган бинони қуриш учун 7 йил вақт ва 3,6 млрд доллар талаб қилинди. Бинода 123 та ер усти қавати мавжуд бўлиб, унинг пастки қаватларидан дўконлар, банклар ва офислар, тиббиёт ва фитнес марказлар жой олган.

© SeongJoon Cho / Bloomberg

42-101-қаватларда офислар, апартаментлар ва меҳмонхона жойлашган. 108-114-қаватлар бутун қават билан ижарага берилади. Бинонинг энг баланд 117-123-қаватларида умумий фойдаланиш зоналари, мисол учун, томоша майдончаси жойлашган. У ўзига 900 кишини сиғдира олади. Томоша майдончасига туннел орқали ўтилади.

© SeongJoon Cho / Bloomberg
© SeongJoon Cho / Bloomberg
© SeongJoon Cho / Bloomberg

118-қаватдаги томоша майдончасидан қуш учадиган баландликдан очиладиган манзараларни, оёқ остидаги ойнаванд полдан пастдаги чорраҳани кўриш мумкин.

© SeongJoon Cho / Bloomberg
© SeongJoon Cho / Bloomberg

Меҳмонхона вакилларининг айтишича, бино ва унинг ёнида қурилган Lotte World Mall савдо маркази йилига 50 млн гача сайёҳни жалб қила олади.

Ушбу бино бир неча рекорд кўрсаткичларга ҳам эга: унинг 85-қаватида сузиш ҳавзаси жойлашган бўлиб, бу ерда дунёда энг баланд жойда сузиш мумкин. Бинода шунингдек дунёдаги энг тез лифтда юриш мумкин. Лифтнинг тезлиги бир дақиқада 600 метрни ташкил қилади. 

Бинонинг яна бир ўзига тортувчи жиҳати – унда ҳайратланарли 2 минг кишилик концерт зали мавжуд.

Бинонинг остида Lotte World кўнгилочар боғи мавжуд бўлиб, унда анъанавий аттракционлардан ташқари, коньки учиш майдончаси ва халқ музейи мавжуд. 

© SeongJoon Cho / Bloomberg
© SeongJoon Cho / Bloomberg

Бинода шунингдек ноёб аквариум мавжуд бўлиб, унда майда балиқлардан тортиб кит ва дельфинларгача турли денгиз жонзотларини учратиш мумкин.

Бино қурилиши билан боғлиқ яна бир қизиқ факт: бино қурилиши 2005 йилда бошланган, бироқ у жойлашган ҳудуднинг аэродромга яқинлиги сабабли бу ерда баландлик чеклови мавжуд бўлиб, шу туфайли унинг қурилиши тўхтаб қолганди. Меҳмонхона қурилишини давом эттириш учун аэродромнинг учиш-қўниш полосасини 3 градусга суришга ва бунинг учун 100 млн доллар сарфлашга тўғри келган.

© SeongJoon Cho / Bloomberg
© SeongJoon Cho / Bloomberg
© SeongJoon Cho / Bloomberg
© SeongJoon Cho / Bloomberg

 

Кун янгиликлари
Банкдаги конвертация машмашаси: «Рўйхатда йўқлар»га хизмат йўқми?
16:50 / 22.08.2017 44785 Ўзбекистон
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 62073 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 34206 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 19362 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 74002 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 59955 Жамият
Лотереяда фирибгарлик қилган дастурчи 25 йилга қамалди
Навоий вилоятида қўшмачи эркак қўлга олинди
16:45 1749 Жамият
Маъмурий ислоҳотлар Концепцияси лойиҳаси жамоатчилик муҳокамасига қўйилди
«Made in Uzbekistan» бренди Тожикистон бозоридан Хитой маҳсулотларини сиқиб чиқармоқда
Кўпроқ янгиликлар