Буюк Британия бош вазири Тереза Мэй Пасха табригида Евроиттифоқдан чиқиш Бирлашган қироллик аҳолисини ғоявий жиҳатдан бирлаштириши ҳақида гапирди.

Унинг сўзларига кўра, Brexit британияликларни янги имкониятлар атрофида бирлаштиради.

Мэй хонимнинг қайд этишича, Европа иттифоқи билан «ажрашиш» Буюк Британия аҳолисини умум манфаатларини ифода этади ва халқни бирлаштиради.

Бундан олдинроқ Брюсселдагилар Буюк Британиянинг Евроиттифоқдан чиқишини бир қадар енгиллик билан ўтиши имкониятларини кўриб чиқаётгани ҳақида хабар берилганди.