16 aprel, yakshanba kuni Hindistonning CST xalqaro aeroportida 23 yoshli O‘zbekiston fuqarosi soxta turistik viza bilan qo‘lga olindi. Bu haqida Hindustan Times'da xabar berildi.
Shahar politsiyasi ma'lumotlariga ko‘ra, nomi oshkor qilinmagan ayol 14 fevral kuni xuddi shu soxta turistik viza bilan Hindistonga kelgan.
Ayol Dubayga yo‘l olayotganida, immigratsion nazorat paytida qo‘lga olingan.
Hindiston politsiyasi ayblanuvchi haqida qo‘shimcha ma'lumot olish uchun O‘zbekiston elchixonasi bilan bog‘lanadi.
Ayol hujjatlar haqiqiy ekanini aytgan.
Unga qarshi Hindiston jinoiy kodeksining to‘rt moddasi bo‘yicha ish qo‘zg‘atilgan.
