Шимолий Корея армияси АҚШ мажбур қилган тақдирда ядровий урушга жавоб беришга тайёр. КХДР элчихонасининг мухтор вазири Зин Чжон Хеп шу ҳақида маълум қилди. 

"Бизнинг армиямиз ва халқимиз ёв кучлари томонидан ҳар қандай провокацияга жавоб бериш учун етарли ирода, тайёргарлик ва куч-қудратга эга. Бизнинг армия ва халқимиз АҚШ ҳамда ёв кучларнинг агрессив хатти-ҳаракатларига жавоб беришга тайёр. Агар улар ядровий урушни хоҳлашса, биз ҳам ядровий уруш билан жавоб қайтара оламиз. Агар улар ҳар томонлама урушни исташса, биз унисига ҳам тайёрмиз", - деди Зин Чжон Хеп Россиянинг ЛДПР етакчиси Владимир Жириновский билан кечган учрашувда. 

АҚШнинг "Карл Винсон" авиаташувчиси бошчилигидаги  ҳарбий кемалар гуруҳининг Корея ярим оролига жойлашиши у ердаги вазиятни янада кескинлаштирди.