Ўзбекистонда четдан келтириладиган қатор товарлар учун акциз солиғи пасайтирилди

Иқтисодиёт 18 Апрель 2017 13607

Жорий йилнинг 1 апрелидан бошлаб республикага четдан келтириладиган акциз солиғига тортиладиган товарларга нисбатан қўлланиладиган акциз солиғи ставкаларида бир қатор ўзгартиришлар амалга оширилди, деб хабар бермоқда Давлат божхона қўмитаси ахборот хизмати

Бунда энг муҳим икки жиҳат инобатга олинган. Яъни, ушбу ўзгаришлар аввало аҳолини муҳим ва сифатли озиқ-овқатлар билан таъминлашга хизмат қилади. Шунингдек, четдан олиб кириладиган айрим хом-ашёлар учун акциз солиғининг туширилиши маҳаллий ишлаб чиқарувчиларни қўллаб-қувватлашда муҳим роль ўйнайди.

Шу мақсадда Ўзбекистон Республикаси Президентининг “Ўзбекистон Республикасининг 2017 йилги асосий макроиқтисодий кўрсаткичлари прогнози ва давлат бюджети параметрлари тўғрисида” 2016 йил 27 декабрдаги ПҚ-2699-сон Қарорига тегишли ўзгартиришлар киритилди.

Масалан, буғдой уни учун товарнинг божхона қийматидан 11 фоизи миқдорида ундириб келинган акциз солиғи эндиликда 5 фоизни ташкил қилади.

Кунгабоқар ёғи, сафлор (махсар) ёғи ва уларнинг фракциялари учун бу кўрсаткич илгари 20 фоизни ташкил қилган бўлса, ҳозирда 10 фоизга (бироқ 1 кг учун 0,16 АҚШ долларидан кам эмас) камайтирилди.

Тайёр ёки консерваланган, уксус ёки уксус кислотаси қўшилмаган, музлатилмаган бошқа сабзавотлар (Ташқи иқтисодий фаолият товарлар номенклатурасидаги 2006 товар позицияси маҳсулотларидан ташқари учун акциз солиғи) 50 фоиздан 10 фоизга, мева ва сабзавот шарбатлари (ананас ва цитрус шарбатларидан ташқари) учун эса 70 фоиздан 30 фоизгача (лекин л. 0,50 АҚШ долларидан кам эмас) туширилди.

Шунингдек, соуслар тайёрлаш учун маҳсулотлар ва тайёр соуслар; таъм берувчи қўшимчалар ва аралаш зираворлар; хантал кукуни ва тайёр хантал (горчица) учун акциз солиқлари ҳам сезиларли равишда яъни, 70 фоиздан 25 фоизгача туширилди. 

Энг муҳим янгиликлардан яна бири двигателининг ҳажми 2 800 куб. см.дан кўп бўлмаган янги юк ташиш автомобиллари учун акциз солиғи эндиликда 30 фоиз (муқаддам 70 фоиз эди) қилиб белгиланди.

Бундан ташқари, соя ёғи ва унинг фракциялари, макарон маҳсулотлари, айрим турдаги полиэтилен, тунука ва ёғочдан тайёрланган маҳсулотлар учун акциз солиғи бутунлай бекор қилинди.

Табиийки, ушбу янгиликлар эндиликда бу каби товарларни республикага олиб кирадиган импортёрлар учун мазкур имтиёзлар натижасида тежаб қолинган маблағларни ўз фаолиятларини янада кенгайтиришга йўналтиришлари билан ҳам аҳамиятлидир.

Масалан, 2016 йилнинг биргина 2 чорагида олиб кирилган бундай товарлар учун давлат бюджетига салкам 13 млн. АҚШ доллари эквивалентидаги акциз солиғи ундирилган бўлса, жорий йилнинг ушбу чорагида ўтган йилнинг мос давридаги импорт ҳажми сақланиб қолгудек бўлса, у ҳолда салкам 33 млрд. сўм миқдоридаги маблағ эндиликда ташқи иқтисодий фаолият иштирокчиларининг ўз ихтиёрларида қолиши кутилмоқда.

Кун янгиликлари
Ўзбекистон ҳафталиги: Президентнинг водий сафари, овозаси чиққан 11 йиллик таълим, ўзбеклар ҳалок бўлган бахтсиз ҳодиса ва бошқа хабарлар
22:41 / 25.06.2017 30275 Жаҳон
Қобил қори Одилжон ўғли: “Ҳайит мотам эмас, хурсандчилик кунидир”
17:44 / 25.06.2017 43374 Жамият
Time нашри интернетдаги энг нуфузли одамлар кимлигини маълум қилди 
23:22 / 26.06.2017 1247 Жамият
Нидерландияда собиқ турмалар қочқинлар учун бошпанага айлантирилмоқда
23:19 / 26.06.2017 365 Жамият
АҚШда ит яна шаҳар мэри этиб сайланди
22:38 / 26.06.2017 3002 Жамият
Усэйн Болт 2020 йилги Олимпиадада иштирок этиши мумкин
22:35 / 26.06.2017 1031 Спорт
Дайжест: Ўзбекистонда ҳайит байрами, Кореяга кетган ўзбек мигрантларида муаммо, босим остида қолган Telegram ва бошқа хабарлар
22:30 / 26.06.2017 3258 Жаҳон
АҚШ олий суди Трампга мусулмонларга АҚШга киришни қисман тақиқлашга рухсат берди
22:17 / 26.06.2017 1814 Жамият
Хитой стартапи 8 минг долларлик электромобиллар сотишни бошлайди
21:53 / 26.06.2017 2710 Технология
Эрон исботланган газ захиралари бўйича етакчилик қилмоқда
20:48 / 26.06.2017 3938 Иқтисодиёт
Кўпроқ янгиликлар