Apple билан судлашаётган Qualcomm соф даромади деярли 40 фоизга тушиб кетди

Иқтисодиёт 20 Апрель 2017 3854

Qualcomm чиплар ишлаб чиқарувчи компания соф фойдаси 2017 молия йилининг иккинчи чорагида ўтган йилнинг шу даври билан солиштирганда 36 фоизга тушиб кетиб, 700 млн. долларни ташкил этди.

Компания даромади 10 фоизга пасайиб, 5 млрд. долларга тенг бўлди. Бир акциядан тушган даромад эса 0,5 долларни ташкил этди. Савдолар якунланганидан сўнг Qualcomm акциялари 2,39 фоизга ўсди.

11 апрель куни Qualcomm Apple’ни патентларни бузишда айблаб судга бергани ойдинлашди. Январь ойи охирларида эса Apple Qualcomm’ни судга берганди. Маълум қилинишича, компания чиплар нархини атайин қимматлаштирмоқда ва Apple’га уларни харид қилиш учун сарфланган 1 млрд. долларни қайтариб бериш ниятида эмас.

Февралда Qualcomm раҳбари Стивен Молленкопф Apple билан можарони суддан ташқари тартибда ҳал қилиш ниятида эканини маълум қилганди.

Qualcomm сўнгги икки йил давомида монополияга қарши қонунчиликни бузиш билан боғлиқ кўплаб айбловларга дуч келди. Компанияни 3G/4G технологиясини ноқонуний лицензион йиғишда айблашмоқда. 

Хитойда Qualcomm 975 млн. доллар, Жанубий Кореяда эса – 853 млн. долларлик жаримага тортилди. Бундан ташқари, у Европа ва Тайванда умумий қиймати 3 млрд. доллар бўлган жаримага ҳам тортилиши мумкин.

Кейинчалик АҚШ Федерал савдо комиссияси чиплар ишлаб чиқарувчисини симсиз алоқа соҳасидаги ўта муҳим патентлар портфелидан рақобатчиларни йўқотиш мақсадида фойдаланганликда айблади.

Кун янгиликлари
Банкдаги конвертация машмашаси: «Рўйхатда йўқлар»га хизмат йўқми?
16:50 / 22.08.2017 44785 Ўзбекистон
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 62073 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 34206 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 19362 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 74002 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 59955 Жамият
Лотереяда фирибгарлик қилган дастурчи 25 йилга қамалди
Навоий вилоятида қўшмачи эркак қўлга олинди
16:45 1749 Жамият
Маъмурий ислоҳотлар Концепцияси лойиҳаси жамоатчилик муҳокамасига қўйилди
«Made in Uzbekistan» бренди Тожикистон бозоридан Хитой маҳсулотларини сиқиб чиқармоқда
Кўпроқ янгиликлар