ИИВ Йўл ҳаракати хавфсизлиги бош Бошқармаси матбуот хизмати Ўзбекистон Республикаси ИИВ ДЙҲХХ томонидан 2017 йил 18 апрель куни фош этилган транспорт билан боғлиқ жиноят ҳақида маълумот берди.

Маълум бўлишича, 2017 йил 18 апрель куни соат 01:00 ларда, Фарғона вилояти, Фарғона шаҳри ҳудудида, номаълум ҳайдовчи, номаълум транспорт воситаси билан велосипедчи Тошлоқ туманида яшаган, 1974 йилда туғилган З.Д.ни уриб юбориб, йўл-транспорт ҳодисаси жойидан яширинган. 

Натижада велосипедчи З.Д. тан жароҳати олиб, касалхонада вафот этган. 

Олиб борилган қидирув ва суриштирув ишлари натижасида ушбу йўл-транспорт ҳодисасини Фарғона шаҳрида яшовчи, 1984 йилда туғилган М.М. шахсий «Нексия» русумли автомобилида содир этганлиги аниқланиб, шу куни ушланган.