«Ливерпуль» «Реал» футболчисини 50 млн еврога сотиб ололмади

Спорт 20 Апрель 2017 7643

«Ливерпуль» бош мураббийи Юрген Клопп Мадриднинг «Реал» клуби яриҳимоячиси Марко Асенсионинг хизматларига қизиқиб қолган. Бу ҳақда As хабар берган.

Манба берган маълумотларга кўра, мерсисайдликлар 21 ёшли футболчи учун 50 млн. евро миқдорида маблағ таклиф қилган. Бироқ «Қироллик клуби» ўз футболчисини сотиб юборишни истамаган. Асенсионинг ўзи ҳам испан гранди сафида фаолиятини давом эттиришни истамоқда.

«Қаймоқранглилар» бош мураббийи Зинедин Зидан жорий мавсум давомида бир неча марта ёш футболчининг иқтидорига тўлиқ ишонишини ва келгусида ҳам унинг хизматидан фойдаланиш истагида эканини билдириб ўтган.

Асенсио ортда қолган 31 турнинг 17тасида иштирок этган ( 9тасида асосий таркибда) ва 3та гол ҳамда 1 самарали тўп узатмасини амалга оширган.

Кўпроқ янгиликлар