Европа чемпионлар лигасининг 1/4 финалидан ўрин олган яна бир учрашув якунланди. «Камп Ноу»да кечган учрашувда «Барселона» яна бир бор мўъжиза кўрсатишга ҳаракат қилиб кўрди.

Учрашувнинг дастлабки дақиқаларидан бошлаб олдинга интилган «Барселона» бутун учрашув давомида «Ювентус» дарвозаси олдида вазиятлар яратишга ҳаракат қилди. Бироқ 90 дақиқа давомида Буффон қўриқлаётган дарвоза томон йўл топа олмади.

Натижада «Ювентус» биринчи ўйинда қўлга киритган 3:0 ҳисобидаги ғалаба эвазига ярим финал йўлланмасини қўлга киритди.

Европа чемпионлар лигаси, 1/4 финал

Жавоб учрашуви

Барселона (Испания) – Ювентус (Италия) 0:0
Барселона:
тер Штеген, Умтити, Пике, Альба, Серджи Роберто (Маскерано, 78), Ракитич (Пако Алькасер, 58), Бускетс, Иньеста, Неймар, Месси, Суарес.
Ювентус: Буффон, Бонуччи, Алекс Сандро, Дани Алвес, Кьеллини, Хедира, Пьянич, Куадрадо (Лемина, 84), Манджукич, Дибала (Бардзальи, 75), Игуаин (Асамоа, 88).
Огоҳлантиришлар: Иньеста (41), Неймар (44), Кьеллини (57), Хедира (64).
Дастлабки учрашув: 0:3