Олий лига. «Динамо» яна пешқадам бўлиб олди

Спорт 20 Апрель 2017 7823

Олий лиганинг 7-туридан ўрин олган «Бунёдкор» ва «Динамо» жамоалари ўртасидаги учрашуви бўлиб ўтди.

Учрашувнинг 21-дақиқасида Жавоҳир Қаҳрамонов меҳмонларни ҳисобда олдинга олиб чиққан бўлса, 26-дақиқада Достонбек Ҳамдамов Михаил Наумов қўриқлаётган дарвозани ишғол қилиб ҳисобни тенглаштирди. Ушбу натижа ўйин охирига қадар ўзгармай қолди. Натижада самарқандликлар ўз тарихида иккинчи марта Тошкентдан очко билан қайтадиган бўлди. Сўнгги марта жамоа уч йил муқаддам «Бунёдкор»ни меҳмонда мағлуб этишнинг уддасидан чиққанди.

Ушбу дурангдан кейин «Динамо» ҳисобидаги очколар сони 13тага етди ва жамоа турнир жадвалида 1-ўринга кўтарилиб олди. «Бунёдкор» 6 учрашувдан кейин 9 очко тўплаган ҳолда 4 жамоа билан бирга 6-9 ўринларни бўлишиб турибди.

Олий лига. 7-тур

«Бунёдкор» – «Динамо» 1:1 (1:1).
Голлар: 
Достонбек Ҳамдамов (26) — Жавоҳир Қаҳрамонов (21).
«Бунёдкор»: Муроджон Зуҳуров, Рустам Ашурматов, Акром Комилов, Элдор Шомуродов, Достонбек Ҳамдамов, Нурилло Тўхтасинов (Жавоҳир Эсонқулов, 56), Сардор Азимов (Миржаҳон Мираҳмадов, 65), Дилшод Аҳмадалиев, Даврон Умиров, Отабек Шукуров, Хуршид Ғиёсов.
«Динамо»: Михаил Наумов, Миркомил Локаев, Акмал Бозоров, Жасур Азимов, Жавоҳир Қаҳрамонов, Раду Рогак, Шохруҳ Холматов, Дамир Низанов (Абдумалик Абдуллаев, 59), Ориф Мамажонов, Амиржон Сафаров (Искандар Холмирзаев, 90+2), Абдужамол Исроилов (Фирдавс Абдусалимов, 85)
Огоҳлантиришлар: Даврон Умиров (24), Сардор Азимов (63), Элдор Шомуродов (79).

Кўпроқ янгиликлар