Биринчи ўзбек-тожик бизнес-форумида 35 млн долларлик шартномалар имзоланди

Ўзбекистон 21 Апрель 2017 6819
Фото: ТПП РТ

19 апрелда Душанбеда биринчи тожик-ўзбек бизнес-форуми бўлиб ўтди. Ўзбекистон ва Тожикистон ишбилармон доиралари учрашуви натижаларига кўра умумий қиймати 35 млн доллардан кўпроқ бўлган ҳамкорлик ҳақидаги 20 га яқин ҳужжат имзоланди. 

Ўзбекистоннинг кимёвий маҳсулотлар ишлаб чиқарувчи "Ўзкимёсаноат" компанияси ўз маҳсулотларини, хусусан турли навдаги минерал ўғитларни Тожикистонга етказиб бериш бўйича 5 та шартнома тузди. 2017-2018 йилларга мўлжалланган ҳужжатларнинг умумий қиймати 28,4 млн долларни ташкил қилди.  

"Ўзавтосаноат" корхонаси ўз маҳсулотларини Тожикистоннинг "Лесинвест" ва "Тадж Моторс" компанияларига етказиб бериш бўйича келишув имзолади. 2017-2018 йиллар учун мўлжалланган келишувларнинг умумий қиймати 1,8 млн долларни ташкил қилди.

"Ўзавтосаноат" ва у томондан назорат қилинувчи корхоналар автомобиль эҳтиёт қисмлари етказиб бериш бўйича 4 та ҳужжат имзолади. Бу келишувларнинг қиймати аниқлаштирилмоқда.

Бундан ташқари, учрашув давомида икки давлат ишбилармонлари Тожикистонга қурилиш материаллари етказиб бериш бўйича 4 та шартнома имзолашди. 500 минг долларлик қийматдаги бу келишувлар жорий йил давомида амалга оширилиши керак. Қурилиш материалларини "Кварц" ва "Бестметалконстракшн" ўзбек компаниялари етказиб беради. Тожик томондан келишувларни "Файзи Хуршед", "Пешсаф-1", "Тч-Мол" ва "Замон Трейд" компаниялари имзолади.

Шунингдек, Тожикистонда Ўзбекистонда ишлаб чиқарилган озиқ-овқат маҳсулотларини ўтказиш истаги ҳақидаги баённома имзоланди. "Ўзбекозиқовқатхолдинг" ва Тожикистоннинг "Иқтидор" компаниялари ўртасида имзоланган 2 млн долларлик шартнома 2017-2018 йиллар учун ҳамкорликни кўзда тутади.

"Ўзэлтехсаноат" компанияси ва "Нематбахш" тожик компанияси ўртасида Тожикистонга 2,5 млн долларлик электр маиший маҳсулотлар етказиб бериш бўйича 2017 йилга мўлжалланган меморандум имзоланди.

Кун янгиликлари
Ўзбекистон ҳафталиги: Президентнинг водий сафари, овозаси чиққан 11 йиллик таълим, ўзбеклар ҳалок бўлган бахтсиз ҳодиса ва бошқа хабарлар
22:41 / 25.06.2017 31222 Жаҳон
Қобил қори Одилжон ўғли: “Ҳайит мотам эмас, хурсандчилик кунидир”
17:44 / 25.06.2017 43684 Жамият
ОАВ: Париж шимолида автобус портлади
01:07 204 Жаҳон
Қоҳира яқинидаги кўлда бир кун ичида 8 бола чўкиб кетди
01:06 164 Жаҳон
Galaxy Note 8’нинг нархи ва кўрсаткичлари ҳақидаги маълумотлар ошкор бўлди
Time нашри интернетдаги энг нуфузли одамлар кимлигини маълум қилди 
23:22 / 26.06.2017 2844 Жамият
Нидерландияда собиқ турмалар қочқинлар учун бошпанага айлантирилмоқда
23:19 / 26.06.2017 718 Жамият
АҚШда ит яна шаҳар мэри этиб сайланди
22:38 / 26.06.2017 4273 Жамият
Усэйн Болт 2020 йилги Олимпиадада иштирок этиши мумкин
22:35 / 26.06.2017 1549 Спорт
Дайжест: Ўзбекистонда ҳайит байрами, Кореяга кетган ўзбек мигрантларида муаммо, босим остида қолган Telegram ва бошқа хабарлар
22:30 / 26.06.2017 4770 Жаҳон
Кўпроқ янгиликлар