2017 йил 21 апрель куни Тошкент шаҳрида “Ҳаракатлар сарҳисоби: 2017 йил 1 чорак якунлари” анжумани бўлиб ўтмоқда.

Унда Олий Мажлис Сенати раиси ўринбосари Светлана Ортиқова, Қонунчилик палатаси Спикер ўринбосари Сарвар Отамуродов, “Тараққиёт стратегияси” Маркази Ижрочи директори Акмал Бурханов, қатор вазирлик ва идоралар раҳбарлари ва уларнинг ўринбосарлари иштирок этди.

Анжуманда “Электрон парламент” тизими ҳақида ҳам тўхталиб ўтилди. 

Қонунчилик палатаси Спикер ўринбосари Сарвар Отамуродовнинг қайд этишича, бу борадаги қонун лойиҳаси йил охирига режалаштирилган бўлиб, бугунги кунда Қонунчилик палатаси ва Ахборот технологиялари ва коммуникацияларини ривожлантириш вазирлиги, бошқа идоралар билан ишчи гуруҳи ташкил этилган. Айни кунда қонун лойиҳаси бўйича иш олиб борилмоқда ҳамда хорижий тажриба ўрганилмоқда.

Таъкидланишича, бугунги кунда “Электрон парламент”, яъни электрон тизим ишга тушиб бўлган. Янги сайт йил бошидан ишга туширилди ҳамда бу аҳоли мурожаатлари билан ишлашда янада қулайлик туғдиради.