Эрон ШҲТга аъзо бўладими?

Жаҳон 21 Апрель 2017 8857

Эрон эндиликда ШҲТга аъзолик бўйича барча мезонларга жавоб беради. Бу ҳақда Россия ташқи ишлар вазири Сергей Лавров Остонада Шанхай ҳамкорлик ташкилоти ТИВ раҳбарлари Кенгаши мажлиси якуни бўйича маълум қилди.

"ШҲТга аъзолик учун навбатда кейинги давлат – Эрон, у БМТ Хавфсизлик Кенгаши линияси бўйича санкциялар билан алоқадор масалаларни ҳал этди, - деган вазир. – Эндиликда у ШҲТга аъзо бўлиш учун барча мезонларга тўла жавоб беради. Остонада июнь ойидаги ШҲТ йиғилиши вақтида давлат раҳбарлари Эронни тўлақонли аъзо сифатида қўшиш жараёнини бошлаш ҳақидаги масалани кўриб чиқишлари мумкин".

Шунингдек, ШҲТ давлатлари ТИВ раҳбарлари мажлиси чоғида экстремизга қарши курашиш бўйича конвенция лойиҳасини ҳам кўриб чиқишди. "Бу жуда муҳим ҳужжат бўлиб, у илк бора халқаро-ҳуқуқий йўналишда экстремистик мафкурага қарши курашиш бўйича вазифаларни белгилаб беради, - деган Лавров. – Умид қиламизки, бу конвенция ҳам давлат раҳбарлари томонидан маъқулланади".

"ШҲТ антинаркотик стратегияси ва уни амалга ошириш бўйича ҳаракатлар дастури устидаги иш иккинчи йил олиб борилмоқда, - дея хабар берди Россия ТИВ раҳбари. – Бугун бу ишни Остона саммитига қадар якунлаш бўйича мамлакатларимиз тегишли идораларига қўшимча туртки беришга келишиб олдик".

"Яна бир конвенция – бу табиатни муҳофаза қилиш соҳасидаги ҳамкорликка оид конвенция, - деди у. – Шанхай ҳамкорлик ташкилоти давлатларида бунга катта эътибор қаратилади". "Ва ниҳоят, Шанхай ҳамкорлик ташкилотининг иши тўғрисидаги ҳукуматлараро келишув имзоланади, у ШҲТга кирувчи давлатларнинг 80 та ўқув муассасасини бирлаштиради", - деган Сергей Лавров.

ШҲТни ташкил этиш ҳақидаги декларация Шанхайда 2001 йилнинг июнида олти давлат томонидан имзоланган: РФ, Хитой, Қозоғистон, Ўзбекистон, Қирғизистон ва Тожикистон. Ташкилот ишида шунингдек, олти кузатувчи-давлат (Мўғулистон, Ҳиндистон, Эрон, Покистон, Афғонистон ва Беларусь) ва мулоқот бўйича олти шерик (Шри-Ланка, Туркия, Озарбойжон, Арманистон, Камбожа ва Непал) ҳам иштирок этмоқда. 

Ҳиндистон ва Покистоннинг кириши

ШҲТга Ҳиндистон ва Покистоннинг тўлақонли аъзо сифатида қўшилиши тарихий воқеа бўлади ва ташкилотнинг дунёдаги таъсирини кучайтиради. Бу ҳақда Лавров таъкидлаб ўтди.

"Қатор ҳужжатлар тўплами кўриб чиқилди. Улар давлат раҳбарлари тасдиғига киритилади. Биринчи навбатда, бу Ҳиндистон ва Покистоннинг ШҲТга тўлақонли аъзолигини расмийлаштириш бўйича жараённи якунлашга оид қарорлар, - деди вазир. – Бу тарихий воқеа ҳамда ШҲТнинг халқаро аренадаги ҳурмати ва таъсирини янада кучайтиради. Ташкилот Ҳиндистон ва Покистон қўшилганидан сўнг, ўз ичига ер шарининг 43 фоизи аҳолисини қамраб олади, ШҲТга аъзо-давлатлар ҳиссасига жаҳон ялпи ички маҳсулотининг 24 фоизи тўғри келадиган бўлади".

Эслатиб ўтамиз, ташкилотга Ҳиндистон ва Покистоннинг кириши бўйича жараён 2015 йилда бошланган.

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 27912 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 14813 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 55926 Жамият
«Ўзбекистон ҳаво йўллари» Украина банки сабаб ярим миллион долларсиз қолди
Пекин Вашингтонни Хитой компанияларга қарши санкцияларни бекор қилишга чақирди
00:40 314 Жаҳон
Reuters: АҚШ Мисрга ҳарбий ёрдам бермайдиган бўлди
00:34 357 Жаҳон
Эндиликда бутун маҳалла эмас, фақат қарздор истеъмолчи электр энергиядан маҳрум қилинади
00:23 1587 Жамият
Германияда Трамп боши шаклидаги гиёҳванд моддали таблеткалар аниқланди
00:21 381 Жаҳон
Сербия Ҳиндистон ва Эрон фуқаролари учун визани бекор қилди
00:18 431 Жаҳон
Суриянинг Хама вилоятига ҳаводан зарба берилиши оқибатида 50 киши ҳалок бўлди
00:06 591 Жаҳон
Кўпроқ янгиликлар