Назарбоев Остона шаҳрининг ҳозирги аҳволини кескин танқид қилди

Жаҳон 21 Апрель 2017 7438

Қозоғистон президенти Нурсултон Назарбоев Остона ҳокими Асет Исекешевдан шаҳарнинг чекка қисмларида тартиб ўрнатишни талаб қилди, деб хабар бермоқда Sputnik Қозоғистон.

Қозоғистон президенти режалаштирилаётган ЭКСПО кўргазмасига атаб жума куни ташкил этилган йиғилишда пойтахт шаҳардаги замонавий бинолар ёнида чиқиндихона ва харобалар тасвирланган фотосуратларга изоҳ бера туриб, шундай деди: "Туристлар айнан ўша ерларга боради, суратга олишади ва салбий фикрларни билдиришади!".

Давлат раҳбари ноқонуний равишда қурилган иншоотлар, эскирган уй-жойлар бўлган ҳудудларни бузиш бўйича ишларни фаоллаштиришни талаб қилди.

"Керак бўлса, тартиб ўрнатиш учун маблағлар ажратиш керак, ҳозир ЭКСПО туфайли бунга имконият бор – тозалаш керак. Шаҳар марказий туманларини эскирган уй-жойлардан озод қилиш лозим. Агарда бунинг учун парламентда махсус қонун қабул қилиш керак бўлса, келинг уни киритамиз. Сабаби пойтахт – бу мамлакатнинг юзи", - дея қўшимча қилиб ўтган у.

Шунингдек давлат раҳбари фуқароларни рўйхатга олишни тартибга солишни ҳам талаб қилди.

"Жануби-Шарқдаги бир хусусий уйда 1 700 дан ортиқ киши прописка қилинган, Остонада эса 200 дан кўпроқ шундай резинали хонадонлар аниқланди, бу уйда прописка қилинганлар – ўша ерда яшамасликлари аниқ, улар фақатгина пойтахтдан уй-жой олиш илинжида!", - деди Назарбоев.

"Меҳмонларни қабул қилар эканмиз, бунга тайёргарлик кўриш керак! Ташқи кўриниш билан ким шуғулланмоқда? Президент саройи олдидаги плиткалар тушиб кетмоқда – ҳеч ким эътибор ҳам бермайди...Баъзи қурувчилар қурилиш чиқиндиларини ҳам олиб чиқиб кетишмайди", - деган давлат раҳбари.

У Остона ҳокими Асет Исекешевга мурожаат қилди: "Сени, собиқ инвестициялар ва ривожланиш бўйича вазирни, мен шаҳарни намунали қилишинг учун шу лавозимга тайинладим, энди ўз ишингни бажар, ҳамма имконият сенда бор!".

Унинг эслатишича, сўнгги бир неча йил давомида унга тирбандликнинг олдини олувчи “ақлли” светофорлар ҳақида кўп бора гапиришган, бироқ Назарбоевнинг таъкидлашича, тирбандликлар барибир сони камаймаган.

"ЭКСПО-2017" халқаро ихтисослаштирилган кўргазмаси Остона шаҳрида 2017 йилнинг 10 июнь-10 сентябрь кунлари бўлиб ўтади. Тадбирда 100га яқин давлат вакиллари иштирок этиши мўлжалланган.

Кун янгиликлари
Ўзбекистон ҳафталиги: Президентнинг водий сафари, овозаси чиққан 11 йиллик таълим, ўзбеклар ҳалок бўлган бахтсиз ҳодиса ва бошқа хабарлар
22:41 / 25.06.2017 31222 Жаҳон
Қобил қори Одилжон ўғли: “Ҳайит мотам эмас, хурсандчилик кунидир”
17:44 / 25.06.2017 43684 Жамият
ОАВ: Париж шимолида автобус портлади
01:07 204 Жаҳон
Қоҳира яқинидаги кўлда бир кун ичида 8 бола чўкиб кетди
01:06 164 Жаҳон
Galaxy Note 8’нинг нархи ва кўрсаткичлари ҳақидаги маълумотлар ошкор бўлди
Time нашри интернетдаги энг нуфузли одамлар кимлигини маълум қилди 
23:22 / 26.06.2017 2844 Жамият
Нидерландияда собиқ турмалар қочқинлар учун бошпанага айлантирилмоқда
23:19 / 26.06.2017 718 Жамият
АҚШда ит яна шаҳар мэри этиб сайланди
22:38 / 26.06.2017 4273 Жамият
Усэйн Болт 2020 йилги Олимпиадада иштирок этиши мумкин
22:35 / 26.06.2017 1549 Спорт
Дайжест: Ўзбекистонда ҳайит байрами, Кореяга кетган ўзбек мигрантларида муаммо, босим остида қолган Telegram ва бошқа хабарлар
22:30 / 26.06.2017 4770 Жаҳон
Кўпроқ янгиликлар