Сўров Жанубий Корея президентлиги учун машҳур номзодга ойдинлик киритди

Жаҳон 21 Апрель 2017 3643

Жанубий Корея президентлиги учун энг машҳур номзод — Демократик партия номзоди Мун Ин Чжэ бўлиб турибди. У ўзининг асосий рақиби —Ан Чхоль Су билан орадаги фарқни кескин оширишга эришди. Ижтимоий фикрни аниқлаш бўйича ўтказилган сўнгги сўровга мувофиқ, Демократик партия номзодини 41 фоиз сайловчилар қўллаб қувватламоқда. Бу ҳақда Ёнхап агентлиги Gallup Korea институти маълумотларига таянган ҳолда хабар қилмоқда.

Агентлик маълумотларига кўра, Мун Чжэ Инни бир ҳафта аввалгидан 1 фоиз кўпроқ сйловчи қўллаб-қувватлаётган бўлса, Ан Чхоль Су 7 фоиз тарафдорини йўқотган. Айни вақтда уни 30 фоиз сайловчи қўллаб-қувватлашини билдирган. 

Озод Корея Консерватив партияси вакили Хон Чжун Пхё номзодини сўровда иштирок этганларнинг 9 фоизи маъқуллаган. 

Корея президентлиги учун навбатдан ташқари сайловларнинг 3 ҳафталик сайловолди кампанияси 17 апрелда бошланди. Сайлов 9 май куни бўлиб ўтади.

Кўпроқ янгиликлар