Трамп Си Цзиньпинни қандай кўндира олди?

Жаҳон 21 Апрель 2017 16277
Фото: Reuters

АҚШ президенти Дональд Трамп ХХР раиси Си Цзиньпинни КХДР муаммосини ҳал қилишда фаолроқ иштирок этишга кўндирганини маълум қилди. Бу АҚШ билан қулай шартлардаги савдо келишувлари эвазига рўй беради.

"Мен аслида унга айтдим (Си Цзиньпинга – таҳ.): "Сиз Шимолий Кореянинг бу таҳдиди билан нимадир қилсангиз, яхшироқ савдо келишувига эришасиз", - дея маълум қилди Трамп Италия бош вазири Паоло Жентилиони билан матбуот анжуманида.

Икки давлат етакчиларининг музокаралари АҚШда апрель бошидан бўлиб ўтганди.

Шунингдек Трамп КХДР муаммосини ҳал қилиш бўйича “кўп ишлаётган” Си Цзиньпинни “чуқур ҳурмат қилишини” ҳам яна бир бор маълум қилди.

"Барча мутахассислар Хитой ҳеч қачон ҳозиргидек ишламаганини айтишмоқда. Кўмир бўлган кўплаб кемалар ортга қайтарилди (КХДРга – таҳ.). Бошқа нарсалар юз бермоқда", - дея қўшимча қилиб ўтди Трамп.

Бундан ташқари, матбуот анжумани вақтида Трампдан, у КХДР етакчиси Ким Чен Инни “руҳий нобарқарор” деб ҳисоблаши ҳақида ҳам сўрашди.

"Сизнинг барқарорлик ҳақидаги саволингизга жавоб бера олмайман. Умид қиламанки, жавоб салбий эмас, балки ижобий", - деган Трамп.

Кўпроқ янгиликлар