Ўзбекистонлик ёшлар #XotiraUz ҳештегини дунё трендига чиқаришни мақсад қилишди

Ўзбекистон 21 Апрель 2017 2263

«Камолот» ёшлар ижтимоий ҳаракати 9 май – Хотира ва қадрлаш куни муносабати билан «9 май» акциясига старт берилганини эълон қилади. Бу ҳақда ижтимоий ҳаракат Ахборот хизмати хабар бермоқда.

“Азиз ёшлар! Акцияда иштирок этиш ҳамда эксклюзив совғаларга эга бўлиш учун Сиздан фақатгина фаоллик талаб этилади, холос.

Бунинг учун Сиз жойларда Хотира ва қадрлаш кунига бағишланган тадбирлар жараёнидан олинган фотосуратларингизни #XotiraUz ҳештеги остида Facebook ижтимоий тармоғига https://www.facebook.com/kamolot.uz/ саҳифасини (@kamolot.uz) белгилаган ҳолда жойлаштириб боринг! Фотосуратлар сони чекланмаган!”, дейилади хабарда.

Маълумотларга кўра, энг яхши фотосуратлар Ҳаракатнинг Марказий Кенгашида ташкил этилган махсус ишчи гуруҳ томонидан сараланади ҳамда www.kamolot.uz сайтида эълон қилиб борилади.

Акцияда фаол иштирок этган ёшлар – энг яхши фотопост муаллифлари «Камолот» ЙИҲ томонидан «Камолот» кутубхонаси” рукни остида чоп этилаётган китоблар тўплами ҳамда 2017 йилнинг 25 апрель куни соат 18:30 да Ўзбекистон халқаро анжуманлар саройида бўлиб ўтадиган Ёшлар симфоник оркестрининг «Баҳор нафаси» номли концертига икки кишилик таклифномага эга бўлади.

Эслатма: Акция доирасида тарқатилаётган байроқча ва махсус стикерларни «Камолот» ЙИҲнинг маҳаллий ва ҳудудий Кенгашларидан олиш мумкин.

Кўпроқ янгиликлар