2017 йилнинг 21 апрель куни «UZ» домени Маъмури томонидан UZINFOCOM Марказида «UZ» доменини Рўйхатга олувчилар билан йиғилиш ўтказилди. Бу ҳақда компьютер ва ахборот технологияларини ривожлантириш ва жорий этиш Маркази сайтида хабар берилди.

Йиғилишда домен номини рўйхатга олиш бўйича хизматлар қийматини қайта кўриб чиқиш ва «UZ» ҳудуди Рўйхатга олувчилари учун рўйхатга олиш муддатини чўздириш масалалари кўриб чиқилди.

Йиғилишда «UZ» доменида рўйхатдан ўтиш бўйича хизматлар нархини ўзгартирмаслик ва аввалги ҳолатда қолдириш ҳақида қарор қабул қилинди.

Шунингдек, йиғилишда Рўйхатга олувчиларнинг доменлар миқдорини ошириш бўйича фаолияти ҳам муҳокама қилинди.