Италия чемпионатининг 33-турида "Ювентус" ўз уйида "Женоа"ни қабул қилиб йирик 4:0 ҳисобидаги ғалабага эришди. 

Ўйиннинг 17-дақиқасида меҳмонлар футболчиси Муньос ўз дарвозасига гол киритиб, ҳисобни очган бўлса, орадан бир дақиқа ўтиб, Дибала ҳисобдаги фарқни 2тага етказди. 41-дақиқада Манжукич туринликларнинг 3-голига муаллифлик қилди. Бонуччи эса 64-дақиқада учрашувдаги якуний голни киритди. 

Ювентус – Женоа 4:0
Голлар: 1:0 – 17, автогол Муньос, 2:0 – 18 Дибала, 3:0 – 41 Манджукич, 4:0 – 64 Бонуччи.
Ювентус – Нето, Бардзальи, Бонуччи, Бенатия, Лихтштайнер, Маркизио (Мандрагора, 86), Хедира (Ринкон, 69), Асамоа, Дибала, Манжукич (Стураро, 82), Ҳигуаин.
Женоа – Ламанна, Муньос, Бурдиссо (Бираски, 67), Хентилетти, Лазович (Хильемарк, 87), Велозу, Катальди, Лаксальт (Бегетто, 48), Нтчам, Симеоне, Палладино.
Огоҳлантириш: Бурдиссо (34).