Яманда ҳар 10 дақиқада 5 ёшдан кичик бир бола ҳалок бўлмоқда, деб маълум қилди БМТнинг гуманитар масалаларни мувофиқлаштириш бошқармаси.

"Яманда энг йирик гуманитар инқирозлардан бири давом этмоқда. Мамлакатнинг учдан икки қисми ёки 19 млн га яқин аҳоли ҳимоя ва гуманитар ёрдамга муҳтож", дейилди хабарда.

Яманда 10 млн дан кўпроқ одам ҳанузгача ночорликда, камида 8 млн киши ичимлик сувисиз яшамоқда.  

"БМТ аввалроқ Яманга 2,1 млн долларлик гуманитар ёрдам кўрсатишга чақирганди. Бироқ ҳозиргача бу маблағнинг 15 фоизигина тўпланган", дейилган хабарда.