Россия федерацияси президенти Владимир Путин Рус географик жамиятининг васийлик кенгаши мажлисида денгиз фаришталари денгиз иблисларини еб қўйиши ҳақида гапира туриб, у ҳам Россияни биров еб қўймаслиги учун туну-кун қўриқлаб ўтиришга мажбур бўлаётганини айтиб ўтган.

РГЖнинг «Россиянинг арктика сувлари сувости оламини ўрганиш» мавзусида чиқиш бўлаётган бир пайтда, баъзи бир чиғаноқлиларнинг бошқалари билан озиқланиши ҳақидаги ҳужжатли фильмдан кадрлар кўрсатиб, ҳикоя қилишган.

«Менинг тушунишимча, бу ерда бир медуза иккинчиси билан озиқланмоқда, шундайми?» — деб сўраган Путин.

«Ҳа, бу медузалар бошқа медузаларни тутиб ейди, 70 фоиз парҳез озуқа», — дейишган давлат раҳбарига.
  
«Иккинчи сурат-чи? Фаришта чиғаноқ иблисини еган жойи?» — сўраган президент.

«Ҳа, денгиз фаришталари денгиз иблислари билан озиқланишади», — деган суҳбатдоши.

«Мен шуғулланаётган ишда ҳам сизларнинг ишларингиз натижалари билан яқинроқ танишишга тўғри келади... Бизни ҳам бирортаси еб қўймасин, дея доим атрофга аланглаб қарашга мажбурман. Табиатда рўй бераётган ҳодисаларни кузатиш жуда фойдали», — дея ўз сўзини якунлаган Путин.