Бокс бўйича халқаро бокс сериясига кирувчи (WSB) мусобақаларининг чорак финалига қуръа ташланди. Унга кўра Ўзбекистон шарафини ҳимоя қилаётган Uzbek Tigers жамоаси ўзининг рақибини билиб олди.

Ташкилот расмий твиттери берган маълумотга кўра Uzbek Tigers чорак финалда Кубанинг Cuba Domadores жамоасига қарши жангга чиқади. 

Чорак финалнинг қолган жуфтликлари қуйидагича кўриниш олган:

Italia Thunder - Colombia Heroicos
Russian Patriots
- Astana Arlans
Fighting Roosters
- British Lionhearts

Чорак финалнинг биринчи жанглари 12-13 май кунлари бўлиб ўтади. Жавоб учрашувлари эса 19-20 майга белгиланган.

Агар Uzbek Tigers жиддий рақибга қарши иккиталик жангда ғалаба қозонса, ярим финалда Italia Thunder - Colombia Heroicos жуфтлиги ғолибига қарши рингга кўтарилади.

Ярим финал учрашувлари 9-10 ва 23-24 июнга мўлжалланган. Финал 31 июн ва 1 июль кунлари бўлиб ўтади.