Hindistonda politsiyachi qoplondan qochib tomdan sakrashga majbur bo‘ldi

Hindistonning Kuruli qishlog‘i politsiya xodimi yovvoyi qoplon qurboniga aylanmaslik uchun tomdan sakrashiga to‘g‘ri keldi. India Express shu haqida xabar berdi.

Politsiyachi Bijay Kuntiya qishloqqa kirib qolgan va molxonaga yashirinib olgan yirtqichni qo‘lga olishda yordam berayotgan edi. Biroq kutilmaganda jonivor tomga chiqib oldi va huquq himoyachisiga hujum qilishga urindi. Qoplon politsiyachini tirnashga ulgurib, uning ketidan yugurdi.

Mazkur voqea natijasida politsiya xodimi jarohat olib, shifoxonaga joylashtirildi. Undan tashqari yana ikki kishi jabrlandi, ulardan biri - 16 yoshli o‘smir bo‘lgan.

Qoplonni 12 soat deganda qo‘lga olishga muvaffaq bo‘lindi. Hozirda uni hayvonot bog‘iga ko‘chirish rejalashtirilmoqda.