Сенегал марказий қисмида қайиқ тўнтарилиб кетгани туфайли камида 17 киши ҳалок бўлди, яна 40 нафари жабрланди. Бу ҳақда Ассошиэйтед Пресс маҳаллий ОАВга асосан хабар берди.

RFM радиостанцияси маълумотига кўра, ҳодиса Беттенти қишлоғи яқинида рўй берди. Балиқ овловчи қайиқда ўша пайт камида 60 киши бўлган. Жабрланганларга маҳаллий тиббий пунктда ёрдам кўрсатилди.

Сенегал президенти Маки Салл уч кунлик мотам эълон қилди.

Агентлик маълумотига қараганда, Сенегалнинг марказий минтақаси бир неча кичик ороллар ва қишлоқлардан иборат. Аҳоли эса аксарият ҳолларда ҳаддан ташқари кўп одам чиқиб олган қайиқларда ҳаракатланади.