2017 йил 25 апрель куни Ўзбекистон Республикаси Марказий сайлов комиссиясининг мажлиси бўлиб ўтди. Уни Комиссия раиси М.Абдусаломов бошқарди. Бу ҳақда Марказий сайлов комиссияси Матбуот хизмати хабар бермоқда.

Мажлисда Баҳодир Ғоибназаровнинг Ўзбекистон Республикаси Олий Мажлиси Сенати аъзоси ва Дониёр Абдукадировнинг Ўзбекистон Республикаси Олий Мажлиси Қонунчилик палатаси депутати ваколатларини улар ўз ваколатларини зиммасидан соқит қилиш ҳақида берган ёзма аризаларига биноан муддатидан илгари тугатиш тўғрисида қарорлар қабул қилинди.

Эслатиб ўтамиз: 21 апрель куни Тошкент шаҳар Олмазор тумани ҳокими Баҳодир Ғоибназаров ишдан олинган  унинг ўрнига эса Абдуқаҳҳор Тўхтаев янги ҳоким этиб тайинланган эди.