O‘zbekiston prezidenti Shavkat Mirziyoyev Turkiya tashqi ishlar vaziri Mavlud Chovusho‘g‘lini qabul qildi. Turkiyalik vazirning tvitterdagi sahifasida fotoxabarlar qoldirilgan.
«O‘zbekiston prezidenti Mirziyoyev tomonidan qabul qilindik. Biz O‘zbekiston bilan munosabatlarni rivojlantirish masalalarini muhokama qildik», — deyilgan fotoxabarlarda.
Bundan avvalroq Mavlud Chovusho‘g‘li O‘zbekiston tashqi ishlar vaziri Abdulaziz Komilov bilan uchrashgani haqida xabar berilgan edi.
Turkiya delegatsiyasi O‘zbekiston Respublikasi Oliy Majlisi Senatida, tashqi ishlar va tashqi savdo vazirligida ham muzokaralar o‘tkazadi.
