«Барселона» футбол клуби Испания чемпионатининг 34-турида «Осасуна»ни йирик ҳисобда мағлуб этди (7:1).

Каталонияликлар ушбу ғалаба туфайли Испания чемпионатида бу мавсумда урилган голлар сонини 101 тага етказиб олишди. «Барселона» Европада бир мавсум ичида ички чемпионатда 100 та тўп урган биринчи жамоага айланди.

Шуниси қизиқки, «Барселона»нинг юзинчи голи пенальтидан киритилди. Унга Хавьер Маскерано муаллифлик қилди. Бу унинг учун Каталония жамоасидаги 7 йил ичида киритилган илк тўпга айланди.