Футбол бўйича Аргентина терма жамоаси ва Испаниянинг “Барселона” жамоаси 29 ёшли етакчиси Лионель Месси маҳаллий матбуотга берган интервьюсида фақатгина бир бора ўзи рақиб жамоа аъзосидан либосни алмаштириш ҳақида сўраганини маълум қилди. Бу ўйинчи “Реал” етакчиси – Зайниддин Зидан бўлган, деб ёзмоқда Tribuna.uz сайти.

Бу ҳолат Мессининг "Барса"даги фаолияти илк йилларида юз берган. Лео "Реал" билан ўйиндан сўнг ўша пайт мадридликлар сафида тўп сурган Зиданга яқинлашган ва унинг футболкасини сўраган. Аргентиналикнинг сўзларига кўра, бу у шундай ўзига хос “ташаббус” билан чиққан биринчи ва охирги вазият бўлган.

Таъкидлаб ўтиш жоизки, ўшанда франциялик футболчи ҳисобида “Олтин тўп” (1998) бўлган. Месси эса ўша пайт ҳеч қандай шахсий совринларга эга бўлмаган, бироқ бугунги кунга келиб у беш бора сайёранинг энг яхши футболчиси деб топилди (2009, 2010, 2011, 2012, 2015 йилларда).