Франция президенти лавозимига номзод Марин Ле Пен Европанинг ягона пул бирлиги – евро Франция учун ортиқча юк эканлигини ва айнан миллий валюта мамлакат иқтисодиётида бош роль ўйнаши кераклигини айтди.

У "евро ўлик" бўлгани сабабли миллий валютадан фойдаланиш ҳуқуқига эришмоқчи. "Мен валютамизни бошқаришни талаб қилмоқчиман. Бу еврони кундалик харидлар билан боғлиқ бўлмаган валютага айлантиришни, ундан халқаро савдо-сотиқ билан шуғулланувчи катта компанияларгина фойдаланишини англатади", деб айтмоқда Ле Пен.

Ле Пен президент бўлса, евродан воз кечиш масаласи бўйича умумхалқ референдумини ўтказмоқчи, чунки унинг ишонишича, евро турли давлатлардаги рақобатдаги фарқ сабабли "яшовчанликка" қодир эмас.