Буюк Британия полицияси мамлакат пойтахтида тайёрланаётган икки теракт ҳақида маълумотга эга. Бу ҳақида террорчиликка қарши курашувчи ташкилотнинг юқори лавозимли ходими маълумотига асосланиб, Sunday Times хабар берди

Таъкидланишича, ҳозирда тахмин қилинаётган гумондорларнинг ҳар бир қадами диққат билан кузатилмоқда. 

"Теракт содир этиш бўйича биз диққат билан кузатаётган яна икки режа мавжуд", - дейди нашр манбаси.

Шу муносабат билан Лондонда хавфсизлик чоралари янада кучайтирилди. 

Терговчиларнинг фикрича, ҳужумни режалаштираётган кишилар бундан аввал рейдлар давомида қўлга олинган шахслар гуруҳи билан боғлиқ эмас.