Ўзбекистонда 2 йил ичида профилактика нозирлари учун 3829та хизмат уйлари қурилади. Бу ҳақда Ўзбекистон президенти қарорида назарда тутилган.

Бу уйлар инспекторлар хизмат қиладиган ҳудудда, у ва аҳоли ўртасида доимий алоқа мавжуд бўлишини таъминлаш мақсадида қурилади. Самарқанд (463), Фарғона (439) ва Қашқадарё (409) вилоятларида бундай уйлар нисбатан кўпроқ бўлади.

Хизмат уйлари намунавий лойиҳалар бўйича қурилади. Бу уйлар бир қаватли ва 3 хонали уйлар бўлади, 0,02 майдондан иборат ҳовлига эга бўлади. Бу лойиҳа давлат бюджети ҳисобидан молиялаштирилади.

Бундан ташқари, давлат раҳбари ҳокимиятларга нозирлар учун кўп хонадонли уйлардан 1327та хизмат квартиралари ажратиш бўйича кўрсатма берган. Бу квартиралар ҳам уларнинг хизмат жойлари атрофида бўлиши керак. Тошкент шаҳрида шу мақсадда 527та квартира ажратилади.