“Ўзбекистон” спорт мажмуасида бокс бўйича катталар ўртасида 29-Осиё чемпионатининг иккинчи кунги жангларига старт берилди. Унда биринчи бўлиб 56 кг вазн тоифасида иштирок этаётган ҳамюртимиз, Рио-2016 бронза медали совриндори Муроджон Аҳмадалиев рингга кўтарилди. У туркманистонлик спортчи Мурадов Шодликмурод имкониятини синаб кўрди. 

Айтиш жоизки, у мухлислар мураббийлари ишончини оқлади ва туркманистонлик боксчига қарши жангини муддатидан аввал якунлади. Ўйиннинг биринчи дақиқасида 
Муроджон Шодликмуродни дастлаб нокдаунга учратди. Кейинроқ учрашув ҳаками нокаут деб ҳисоблашга қарор қилди.