“Ўзбекистон ҳаво йўллари” МАКда учта йирик инвестицион лойиҳа амалга оширилмоқда. Бу ҳақда авиакомпания матбуот хизмати хабар берди.

“Тошкент-4” янги халқаро йўловчи терминали қурилиши давом этмоқда. Шунингдек “Нукус” аэропортининг йўловчи терминали реконструкциядан чиқарилмоқда ва Boeing-787 самолётларига техник хизмат кўрсатиш учун янги ангар ташкил этилмоқда.

Бу лойиҳалар Ўзбекистон Республикасининг 2017 йилга мўлжалланган Инвестицион дастури ҳамда 2015-2019 йилларда муҳандислик-коммуникация ва йўл-транспорт инфратузилмаси модернизация Дастури асосида амалга оширилмоқда.

Аввалроқ 2017 йилнинг биринчи чорагида “Ўзбекистон ҳаво йўллари” Миллий авиакомпанияси йўловчи ва юк ташиш ҳажмини оширгани ҳақида хабар бергандик.