Ўзбекистон президенти Шавкат Мирзиёев «Жиноятларни очиш соҳасида ички ишлар органлари фаолиятини тубдан такомиллаштириш чора-тадбирлари» тўғрисидаги қарорни тасдиқлади.

Ҳужжат 2018 йилнинг 1 январидан эътиборан ички ишлар органларида тергов стенографияси, видеокузатув, шунингдек, тергов ҳаракатларининг аудио ва видеофиксация тизимлари билан жиҳозланган махсус хоналар жорий қилинади.

Бундан ташқари, тергов жараёни шаффофлигини таъминлаш учун келгуси йилнинг 1 январидан бошлаб Тергов департаменти ва унинг ҳудудий бўлинмалари ўртасида видеоконференция кўринишидаги алоқа тизими жорий этилиши кўзда тутилган.

Президент 11 апрель куни ўтказилган видеоселектор йиғилишда ҳуқуқни муҳофаза қилиш органлари фаолиятини ва иш олиб бориш услубини қаттиқ танқид қилган эди.

Президент ИИВ органлари жиноий ишларни тергов қилишда холислик билан ҳаракат қилиб, ҳодисани адолатли баҳолаши муҳимлигини қайд этиб ўтган. 

Ўзбекистон раҳбари жиноятларни очиш борасида ҳам қатор камчиликлар мавжудлигини таъкидлаганди. Шунингдек, фуқаролар мурожаатлари ўз вақтида кўриб чиқилмагани ва сансалорликка йўл қўйилаётгани айтилганди.