Erdo‘g‘an partiyaga qaytdi

Turkiya prezidenti Rajab Toyib Erdo‘g‘an hukumatdagi Adolat va Taraqqiyot partiyasi a'zoligini tikladi. Bu haqda Hurriyet xabar tarqatgan.

Partiya kengashining Anqarada o‘tgan yig‘ilishida u tegishli shakldagi bayonotni imzolagan.

Erdo‘g‘an 2001 yildan 2014 yilgacha partiya a'zosi bo‘lgan, ammo u 13 yildan keyin prezidentga aylanganida partiyani tark etgandi. Turkiya Konstitutsiyasi mamlakat prezidenti qaysidir siyosiy partiya a'zosi bo‘lishini betaraflik prinsipiga to‘g‘ri kelmaydi deb hisoblar va buni taqiqlardi.

Lekin aprel oyida konstitutsiyaga o‘zgartirishlar kiritish bo‘yicha o‘tkazilgan referendum ma'qullanganidan keyin prezident partiyadan chiqishi shart bo‘lmay qoldi. May oyi oxiriga borib Erdo‘g‘an yana partiya raisiga aylanishi kutilmoqda.