Ўзбекистон Республикаси Вазирлар Маҳкамасининг қарори билан раҳбарлари ходимларни Тошкент шаҳри ва Тошкент вилоятида доимий прописка қилиш тўғрисида илтимоснома киритиши мумкин бўлган давлат ҳокимияти органлари, давлат ва хўжалик бошқаруви органлари, республика аҳамиятига молик бошқа давлат ташкилотлари рўйхатига қўшимча киритилди. 

Мазкур қарор билан бундай илтимоснома киритиш ҳуқуқига Ўзбекистон Президенти ҳузуридаги стратегик ва минтақалараро тадқиқотлар институти раҳбарияти ҳам эга бўлди. 

Эслатиб ўтамиз, олдинроқ ходимлари Тошкент шаҳри ва Тошкент вилоятида доимий пропискага қўйилиши мумкин бўлган 59 та ташкилот ва компаниядан иборат рўйхат эълон қилинганди. Энди уларнинг сони 60 тага етди:

1.  Ўзбекистон Республикаси Президенти девони.
2.  Ўзбекистон Республикаси Олий Мажлиси палаталари.
3.  Ўзбекистон Республикаси Вазирлар Маҳкамаси.
4.  Ўзбекистон Республикаси Конституциявий суди.
5.  Ўзбекистон Республикаси Олий суди.
6.  Ўзбекистон Республикаси Олий хўжалик суди.
7.  Ўзбекистон Республикаси Бош прокуратураси.
8.  Ўзбекистон Республикаси Миллий хавфсизлик хизмати.
9.  Марказий сайлов комиссияси
10.  Ўзбекистон Республикаси Марказий банки
11.  Ўзбекистон Республикаси Ҳисоб палатаси.
12.  Тошкент шаҳар ҳокимлиги.
13.  Тошкент вилояти ҳокимлиги.
14.  Ўзбекистон Республикаси Иқтисодиёт вазирлиги.
15.  Ўзбекистон Республикаси Молия вазирлиги.
16.  Ўзбекистон Республикаси Қишлоқ ва сув хўжалиги вазирлиги.
17.  Ўзбекистон Республикаси Меҳнат вазирлиги.
18.  Ўзбекистон Республикаси Олий ва ўрта махсус таълими вазирлиги.
19.  Ўзбекистон Республикаси Халқ таълими вазирлиги.
20.  Ўзбекистон Республикаси Соғлиқни сақлаш вазирлиги.
21.  Ўзбекистон Республикаси Маданият ва спорт ишлари вазирлиги.
22.  Ўзбекистон Республикаси Мудофаа вазирлиги.
23.  Ўзбекистон Республикаси Ички ишлар вазирлиги.
24.  Ўзбекистон Республикаси Фавқулодда вазиятлар вазирлиги.
25.  Ўзбекистон Республикаси Ташқи ишлар вазирлиги.
26.  Ўзбекистон Республикаси Адлия вазирлиги.
27.  Ўзбекистон Республикаси Ташқи иқтисодий алоқалар, инвестициялар ва савдо вазирлиги.
28.  Ўзбекистон Республикаси Ахборот технологиялар ва коммуникацияларни ривожлантириш вазирлиги.
29.  Ўзбекистон Республикаси Давлат статистика қўмитаси.
30.  Ўзбекистон Республикаси Хусусийлаштириш, монополиядан чиқариш ва рақобатни ривожлантириш Давлат қўмитаси.
31.  Ўзбекистон Республикаси Давлат солиқ қўмитаси.
32.  Ўзбекистон Республикаси Давлат божхона қўмитаси.
33.  Ўзбекистон Республикаси Табиатни муҳофаза қилиш давлат қўмитаси.
34.  Ўзбекистон Республикаси Давлат геология ва минерал ресурслар қўмитаси.
35.  Ўзбекистон Республикаси Давлат архитектура ва қурилиш қўмитаси.
36.  Ўзбекистон Республикаси Ер ресурслари, геодезия, картография ва давлат кадастри давлат қўмитаси.
37.  Ўзбекистон матбуот ва ахборот агентлиги.
38.  Ўзбекистон стандартлаштириш, метрология ва сертификатлаштириш агентлиги.
39.  Ўзбекистон “Ўзкоммунхизмат” агентлиги.
40.  Ўзбекистон Автомобиль ва дарё транспорти агентлиги.
41.  Ўзбекистон Республикаси Интеллектуал мулк агентлиги.
42.  “Ўзархив” агентлиги.
43.  Ўзбекистон Республикаси Давлат заҳираларини бошқариш қўмитаси.
44.  Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита.
45.  Ўзбекистон Республикаси Парвозлар хавфсизлигини назорат қилиш Давлат инспекцияси.
46.  Ўзбекистон Республикаси Темир йўлларда юк ва йўловчилар ташиш хавфсизлигини назорат қилиш давлат инспекцияси.
47.  “Ўзбекнефтгаз” Миллий холдинг компанияси.
48.  “Ўзбекэнерго” Акциядорлик жамияти.
49.  “Ўзкимёсаноат” Акциядорлик жамияти.
50.  “Ўзбекистон темир йўллари” Акциядорлик жамияти.
51.  “Ўздонмаҳсулот” Акциядорлик компанияси.
52.  “Ўзавтосаноат” Акциядорлик компанияси.
53.  “Ўзпахтасаноатэкспорт” Холдинг компанияси.
54.  “Ўзбекозиқовқатхолдинг” Холдинг компанияси.
55.  “Ўзавтойўл” автомобиль йўллари қуриш ва фойдаланиш Давлат акциядорлик компанияси.
56.  “Ўзбекистон ҳаво йўллари” Миллий авиакомпанияси.
57.  Ўзбекистон миллий телерадиокомпанияси.

58.  Ўзбекистон Республикаси Фанлар академияси.
59.  “Олмалиқ кон-металлургия комбинати” Акциядорлик жамияти.
60.  Ўзбекистон Президенти ҳузуридаги стратегик ва минтақалараро тадқиқотлар институти.