Россия президенти Владимир Путин ва Германия канцлери Ангела Меркель Минск келишувлари амалга оширилиши оқсаётганини қайд қилишди. Бу ҳақда Путин матбуот котиби Дмитрий Песков маълум қилди. 

"Украина сюжетига кўп эътибор қаратилди, Минск келишувлари амалга оширилиши оқсаётгани қайд қилинди", деб маълум қилди Песков.

Унинг айтишича, Путин ва Меркель келишувларга янги туртки бериш зарурлиги ҳақидаги фикрга келишди.

Песковнинг айтишича, оқсашнинг сабаби кўп жиҳатдан Киевнинг келишув бўйича ўз мажбуриятларини бажаришда олдинга силжий олмаётгани бўлмоқда.  

Эслатиб ўтамиз, 2 май куни Путин Сочида Меркель билан учрашув ўтказди.