Бугун, 2 май куни АҚШ президенти Доналд Трамп Россия раҳбари Владимир Путин билан телефон мулоқоти ўтказади. Бу ҳақда Оқ уй матбуот хизмати маълум қилган. Суҳбат Вашингтон вақти билан 12:30га (Тошкент вақти билан 21:30) белгиланган.

Рейтер агентлиги маълумотига кўра, сиёсатчилар Сурия масаласини муҳокама этиши кутилмоқда.

"Икки етакчи, катта эҳтимол билан Суриядаги урушни муҳокама қилишади", — дея хабар берган агентлик.

Бу Трамп қасамёд қабул қилиб, вазифасига киришганидан буён икки сиёсатчи ўртасида ўтказиладиган учинчи телефон мулоқоти ҳисобланади. Биринчи мулоқот январь ойидаёқ ўтказилганди, иккинчиси апрелда, Трамп Петербург теракти муносабати билан Путинга ҳамдардлик билдирганида рўй берганди.