«Барселона» собиқ футболчиси, ҳозирда Қатарнинг «Ас-Садд» клубида тўп сураётган Хави Эрнандес 2022 йилда ЖЧда қатнашадиган Қатар терма жамоасига устозлик қилиши мумкинлигини инкор этмади. Испания терма жамоаси собиқ футболчиси ўзини мураббийликда ҳам синаб кўриш нияти борлигини яна бир бор эслатиб ўтди.

«Қатар терма жамоаси бош мураббийлиги – балки воқеалар ривожининг давоми бўлиши мумкин. Шундан сўнг «Барселона»га қайтишни истайман. Каталония клубини бошқариш орзуим», — дея Хавининг сўзларини келтиради A Bola.

Маълумот учун Хави «Барселона» футболчиси сифатида 1998 йилдан 2015 йилга қадар жамоа сафида тўп сурган.