11:44 / 03.05.2017
21262

Navoiy hokimi 22 kilometrlik yo‘lni piyoda bosib o‘tib, obodonlashtirish ishlari bilan tanishdi

Foto: Navoiy shahar hokimiyati

Navoiy shahar hokimi Umarbek Xalilov Navoiy shahri hududidan o‘tuvchi "O‘zbekiston temir yo‘llari” AJga qarashli temir yo‘l atroflarini piyoda yurib, bu yerdagi obodonlashtirish ishlari bilan yaqindan tanishdi. Bu haqda Navoiy shahri hokimiyati xabar berdi.

Hokimga prokuratura organlari, ichki ishlar idoralari xodimlari, shahar davlat sanitariya-epidemiologiya nazorati markazi xodimlari va boshqa turli mutasaddi idoralar rahbarlari hamrohlik qilishdi.

Foto: Navoiy shahar hokimiyati

Shahar hokimi 22 kilometrlik yo‘lni piyoda bosib, temir yo‘l atrofidagi yerlarni tozalab, saranjom-sarishta qilish va bu hududni ko‘rganda ko‘zlarni quvnatuvchi holatga keltirish lozimligi haqida mas'ul kishilarga tegishli topshiriqlar berdi. 

Foto: Navoiy shahar hokimiyati

Bundan tashqari, shu atrofda faoliyat ko‘rsatayotgan korxonalar rahbarlari va aholi yashash uylari holati ham ko‘zdan kechirilib, ushbu binolarni ham tartibga keltirish zarurligi ta'kidlandi va ularning tashqi ko‘rinishini zamonaviy holatda ta'mirlash vazifalari topshirildi.

Top