Тошкентда Кинематографияни ривожлантириш маркази очилди

Маданият 03 Май 2017 4709

Бугун Тошкент шаҳрида Кинематографияни ривожлантириш марказининг очилиш маросими бўлиб ўтди. «Ўзбеккино» МА директори ўринбосари Низом Маҳмудов ҳамда марказ директори Ойбек Абдушукуров тантанали очилиш маросининг анъанавий қизил лентасини кесишди. Маросим киноижодкорлар, киношунослар, хусусий киностудиялар раҳбарлари ва ОАВ ходимлари иштирокида бўлиб ўтди.

Маросимдан сўнг марказнинг ташкил этилиши, унинг мақсад ва вазифалари  ҳақида батафсил маълумот бериш учун матбуот анжумани ташкиллаштирилди. Унда Марказ директори Ойбек Абдушукуров марказнинг келгусидаги фаолияти ва режалари ҳақида батафсил маълумот берди.

Марказнинг яқин вақтда амалга оширадиган режалари:

Kиносценарийлар ва фильмларни ўрганиш ва таҳлил қилиш бўйича марказ қошида етук драматурглар, режиссёрлар, киношунослар, кинопрокатчилар ва бошқа мутахассислардан маслаҳат кенгашини тузиш, Кенгаш тавсиялари асосида кинолойиҳаларни ишлаб чиқиш;

Марказ аъзолигига кирувчи киностудиялар томонидан кинолойиҳаларни амалга ошириш учун молиявий манбаларни, хусусан ҳомийлик маблағларини, молия ташкилотларнинг кредитларини, давлат субсидиялари ва грантларини ҳамда хорижий инвестицияларни  жалб қилиш;

кинолойиҳалар (танланган сценарийлар) асосида фильмлар ишлаб чиқариш учун ижодий гуруҳлар таркибини шакллантириш ва Марказга аъзо киностудияларни қўллаб-қувватлаш;

танловлар ташкил этиш (кўрик-танловлари, кастинглар ўтказиш) орқали республикамиздаги ёш истеъдодларни кашф этиш ва уларнинг захирасини шакллантириш, маҳоратли ва профессионал ижодкорлар тўғрисида маълумотлар базасини яратиш, уларга марказ ёки бошқа киностудиялар кинолойиҳаларида иштирок этишига кўмаклашиш;

хорижий мутахассислар иштирокида кино соҳасига оид маҳорат дарслари ташкил этиш;

марказ аъзолигига кирувчи  нодавлат киностудиялари томонидан яратиладиган фильмларнинг ижтимоий аҳамиятини оширишга эришиш ва уларнинг прокатдаги истиқболини таъминлаш мақсадида киносценарийларни, тайёрланган фильмларни мониторинг қилиш ва бошқа зарурий тавсиялар бериб борилишини таъминлаш;

кинотеатр ва кинозалларда кинонамойишларини тиклаш, уларни ягона кинотармоқга бирлаштириш ҳамда уларга ҳизмат кўрсатувчи прокат тизимини жорий қилиш, томошабинларга киновидео хизмати кўрсатишнинг инновацион услубларини жорий этишга кўмаклашиш;

Фильмлар прокатини ташкил этишда ахборот хавфсизлиги тизимини яратиш ва ягона кино тармоққа кирувчи кинотеатр, кинозаллар ва киновидео ускуналар комплектацияси ва форматларини бўйича услубий техник тавсиялар билан таъминлаш;

“Киноқароқчилик”га қарши курашишда замонавий технологик усулларини жорий этиш ҳамда мазкур йўналишда қонун ҳужжатларини такомиллаштириш бўйича таклифлар ишлаб чиқиш.

Марказнинг пировард мақсади эса, кинематография соҳасини ривожлантиришда миллий манфаатларга асосланган ўзига хос ўзбек модулини яратишдан иборатдир.

Кун янгиликлари
Давлат тест маркази раҳбари ўзгарди
14:00 / 29.05.2017 31974 Ўзбекистон
Наманганнинг бир кўчаси: ҳужжатсиз уйлар ва рўйхатда йўқ одамлар
13:58 / 29.05.2017 21793 Жамият
Комилов Ўзбекистонга хориж сармоялари киришига халал бераётган асосий тўсиқларни санади
11:51 / 29.05.2017 43499 Ўзбекистон
TPS’дан “Қўшилинг” янги тариф режаларида интернетга соат 00:00 дан 09:00 гача чекловсиз кириш мумкин
09:57 / 29.05.2017 12896 Технология
Олий хўжалик cудига янги судья сайланди
23:54 / 29.05.2017 1 Ўзбекистон
Тошкент вилоятидаги ахлоқ-тузатиш колонияси отряди бошлиғи пора олаётганда ушланди
23:46 / 29.05.2017 1083 Жамият
Олий суд раиси ўринбосарлари ўзгарди
23:43 / 29.05.2017 462 Ўзбекистон
Фотожамланма: Москвадаги довул оқибатлари
23:14 / 29.05.2017 1608 Жаҳон
Газ ва электр энергияси тўловларини энди Бош прокуратура ҳузуридаги Мажбурий ижро бюроси ундиради
23:08 / 29.05.2017 2267 Ўзбекистон
Навальний - Алишер Усмонов видеожанги: мухолифатчи олигархга қарши далилларни санаб чиқди
22:58 / 29.05.2017 3478 Жаҳон
Кўпроқ янгиликлар